أبرز تصريحات الرئيس السيسي في افتتاح مشروعات بجنوب الوادي

شهد الرئيس عبدالفتاح السيسي، يوم السبت، افتتاح عدد من المشروعات التنموية بجنوب الوادى، عبر تقنية الفيديو كونفرانس، وذلك بمركز المنارة للمؤتمرات الدولية، بحضور عدد كبير من الوزراء والمسئولين وكبار رجال الدولة.

تصريحات الرئيس السيسي

تضمنت أبرز الرسائل التي قالها الرئيس السيسي، خلال كلمته اليوم، التالي:

– الدولة تعمل على تنفيذ أكبر حجم من الإنتاج في مشروعات الزراعة.

– عاوز بأقل كمية مياه أطلع أكبر إنتاج للمحاصيل، داعيًا المستثمرين للمشاركة في جميع المشروعات الزراعية التي تنفذها الدولة.

– يجب الاستفادة من حجم المياه في مشروعات الزراعة، مضيفًا: «أنت مستنين لما مشكلة المياه تبقى كبيرة عندك وتضطر إنك تُحرم من كمية المياه بنفس الحجم»، متابعًا: «مش بتكلم عن الموضوع بأنه أزمة قد تكون محتملة، لا هي أزمة محتملة لازم نواجهها ونشتغل عليها لحد ما نخلصها».

– على مستوى ما لدينا من المياه نحتاج إلى الزراعة بنصف كمية المياه، مؤكدًا ضرورة التنسيق حول مشروعات زراعة القصب في نسب استهلاك المياه.

– «احنا مكلفين فلوس كتير جدا عشان نزرع أراضي المشروع، عشان من الأول نحط كل النظم اللي تخلينا نستخدم أقل حجم من المياه في الانتاج»، مؤكدًا ضرورة استخدام نظم الري الحديثة لتقليل استهلاك المياه بالمشروعات.

– «هتقولولي هو إحنا عندنا أزمة مياه، إحنا مش لازم نستنى لما يبقى عندنا أزمة يعني الشغل اللي عملناه في الدولة فيما يخص البنية الأساسية كان ضروري مش زيادات واضطرينا ندفع فيها أرقام كبيرة جدا ولو كانت اتعملت على مدار 20 أو 25 سنة كان تكلفتها أكيد أقل من اللي بنعمله دلوقتي».

– «احنا محتاجين كل إيد مصرية وكل خبرات وكل طاقة عمل وجهد مخلص يشتغل معانا عشان نتجاوز ما نحن فيه».

– منذ عام 2011 مصر زادت 25 مليون نسمة والدولة تعمل على زيادة المشروعات لتغطية تلك الزيادة.

– «النهارده احنا بنستخدم 2 مليون طن قمح، ومهما عملنا لن يستطيع انتاجنا من القمح أن يغطي احتياجاتنا فبنضطر نجيبه من برة، على عكس الذرة والذي يمكن أن يغطي جزء بديل للقمح بخلطه مع القمح».

– تكلفة رغيف الخبز تصل الآن إلى جنيه وربع مشيرًا إلى أن الدولة تدعم رغيف الخبر بـ130 مليار جنيه سنويا، قائلًا: «الرغيف أبوشلن بيكلفنا جنيه وربع».

– تحدث الرئيس السيسي عن انقطاع الكهرباء، قائلًا: «عشان نخلي الكهرباء شغالة 24 ساعة ومفيش قطع للكهربا، لازم أخلي تمنها لوزير الكهرباء أد تمنها مرتين تلاتة، ولو خدت تمن الكهرباء الحقيقية هضاعف تمنها مرتين طب الغلبان هيروح مني فين، فأقطع الكهرباء ولا أغليها؟»، مؤكدًا أن الدولة تدعم المواطنين في ملف الكهرباء بمبالغ كبيرة.

– «كنا عملنا خطة في 2016 عشان نخلي تمن الحاجة أد تكلفتها لكن لازم تحطوا في اعتباركم الأزمات اللي بتواجهنا أزمة كورونا والأزمة العالمية الموجودة والحروب وتأثيرها علينا واحنا مواردنا مش كتير تسمح اننا نواجه التحديات من غير جهد أو تحمل».

– شدد على أن الدول تدار بالجدية والمسئولية والفهم.