أحمد زاهر: جايب مع الستات وكل ست بتقابلني في الشارع بتبتسملي
أحمد زاهر :
سعيد بردود الافعال على دوري وجايب مع الستات وكل ست بتقابلني في الشارع بتبتسملي
عن صفعات الفنانات في المسلسل:
2 منهم حقيقي والباقي تمثيل وعاوز أعتذر لهيدي كارم وشها ورم
محمد سامي مخرج مهم في حياتي وأكتر حد مؤمن بإمكانياتي
أكد الفنان “أحمد زاهر” أنه سعيد بردود الأفعال على دوره في مسلسل “لؤلؤ” مع النجمة “مي عمرو”الذي يجسد فيه شخصية طارق نصار قائلا: “سعيد جداً جدا بردود الأفعال وفيه حاجه غريبة وكل ما أمشي في حته ألاقي الستات بتبصلي وتبتسملي أي ست تبصلي وتبتسم.. والدور جايب مع السيدات جداً جداً ،رغم أن طارق شخصية بها عيوب لكن مافيش إنسان طيب طول الوقت ولا شرير طول الوقت ممكن أكون كويس مع حد ووحش مع حد تاني؟ “
وتابع زاهر في لقاء عبر “برنامج كلمة أخيرة” الذي تقدمه الاعلامية “لميس الحديدي “على شاشة ON قائلاً: “شخصية طارق مش شريرة ولا خبيثة بس هو رجل عملي بيزنس مان تربي في عائلة إرستوقراطية جداً”.
وأكمل” زاهر”: “في النهاية برضه من عيوب لشخصية طارق ، فهو أناني وبيحب نفسه ويهمه إسمه قبل كل شيء وسمعته وشكله لكن عندما حب لؤلؤ تخلى عن كل شيء إيماناً بالحب”.
وحول عنفه مع السيدات ومدى كونها حقيقية قال زاهر: “السيناريو عايز كده بس الضرب في المسلسل مرتين كان بجد وبقية المرات كان تكنيك مش حقيقي؛ والصفعة الحقيقية كانت لنجلاء بدر في الحلقة الاولى ثم هيدي كارم كانت حقيقية “.
ووجه زاهر إعتذراً للفنانة هيدي كرم عن الصفعة قائلاً: ” عاوز أعتذرلها جداً هي طلبت تكون الصفعة حقيقية ولما ضربتها الآه الي طلعت منها في المشهد قطعتني من جوه ووشها ورم بعد الصفعة بعد كده الاستاذ محمد سامي قال بلاش ضرب بشكل حقيقي. “
وأكمل زاهر:” لو أنا مكانها هاخد القلم بشكل حقيقي لان الضرب الحقيقي بيطلع إحساس كبير عشان الوجع بيخلي ريكاشن الممثل صادق وحقيقي وانا بضرب في المشهد ببقى مضايق جداً”.
وأكد زاهر :”أن المخرج محمد سامي شخص مهم في حياته قائلاً محمد سامي شخص مهم في حياتي جداً وأكتر شخص وقف جنبي ومقتنع بإمكانياتي وبيحب يشتغل بيا ودايماً يقول أي كاركتر أحط فيه زاهر بيلمع”.
