كشفت الفنانة المصرية فيفي عبده، عن رأيها في الرقص والحجاب وبعض من أسرار حياتها الشخصية، كما تطرقت للحديث عن علاقتها مع الله.
جاء ذلك خلال حلولها ضيفة على الإعلامي محمد قيس في برنامج “عندي سؤال” المذاع على قناة “المشهد” الفضائية.
وقالت فيفي عبده إنها لا تعتبر أن الرقص “حرام“، مؤكدة اعتزازها بمهنتها وفخرها بجمهورها ومدى تقديرهم لفنها.
وأوضحت: “الرقص ده شغل زي أي شغل، هو الباليه حرام؟ في حاجات كتير حرام، الرقص ده شغل له احترامه وله ناسه اللي بيتفرجوا عليه وله اللي بيقدروه ويحترموه”.
وعن موقفها من ارتداء الحجاب، اعتبرت الراقصة المصرية نفسها محجبة في قلبها وفي لسانها وفي تصرفاتها، قائلة: “أنا متحجبة طول الوقت، الكلام دا يقال للناس الفالتة، أنا بعتبر إني محجبة لأني مش بعمل حاجة غلط ومش بجيب في سيرة الناس”.
وتابعت: “أنا محجبة في لساني وفي كل تصرفاتي، مطلوب مني إيه أكتر من كده؟، مشيرة إلى أنه في حال أمرها الله بالحجاب في أي وقت فمؤكد أنها ستطيعه بحسب زعمها.
وتطرقت فيفي عبده لأول مرة عن الحديث عن عدد العمرات والحج التي قامت بها طوال حياتها، إذ أدت مناسك العمرة 37 مرة، وفريضة الحج 5 مرات.
وحول ما سبق، توضح “فيفي”: “لما كنت بروح مكنتش أتكلم مع مخلوق، أحط حجابي وأروح أصلي صلاتي وأرجع وأخد أهلي كلهم معايا، هيقولوا عاملة ده ورقاصة، آه دي نقرة ودي نقرة وهو حساباته “الله” غير ويعمل اللي هو عايزة”.
وأكدت أنها مطمئنة على نفسها وعلى حساباتها مع الله: “عملت اللي يرضيني في الحياة ومطمنة جدا حاسه إني هقابل ربنا وأنا مستريحة في أي وقت”.
وفي نهاية اللقاء، وجهت فيفي عبده رسالة للجمهور، قائلة: “متبصوش للشكل الظاهري للفنان بس، بصوا لقلوبهم وتصرفاتهم، واعرفوا أن الفنانين دول بيعملوا حاجات كتير مش بتبان، وربنا يعلم بها، متشوفوش الظاهر بس، اعرفوا أن الفنانين دول عندهم حاجات كتير حلوة إنتوا مش بتقدروها لكن ربنا بيقدرها”.
يذكر أن فيفي عبده شاركت في مسلسل “شغل في العالي” الذي عرض في عام 2022، وهو من بطولة فيفي عبده وشيرين رضا ومروان يونس، إلى جانب عدد من ضيوف الشرف مثل بيومي فؤاد ونضال الشافعي وميدو، ومن إخراج مرقس عادل، ومن تأليف حسين مصطفى محرم.
