مها أحمد: مسئولة كبيرة بالتليفزيون قعّدتني في البيت

كشفت الفنانة مها أحمد عن سبب تراجعها على المستوى الفني خلال الفترة الماضية، بعد سنوات من التوهج، قائلة: «إن أحد قيادات التليفزيون المصري، تسبب في غيابها عن الأعمال الفنية لمدة 5 سنوات».

وقالت أحمد، خلال لقاء ببرنامج «أسرار»، عبر فضائية «النهار»: «أنا عاندت مع حد من قيادات التليفزيون من غير ما أقصد، وبسبب هذه الموقف قعدت في البيت 5 سنين».

وأضافت: «كنت بعمل بطولة مسرحية (يا دنيا يا حرامي) وبطولة فيلم مع أحمد السبكي، وجالي حد ابن مسئولة كبيرة في ماسبيرو، هي المتحكمة في اختيارات الفنانين، ابنها كان بيسمسر من الفنانين مقابل شغلهم في الأعمال الفنية، وبيقول إن ماما شريكة في المسلسل ده، وفي الست كوم ده».

وتابعت: «أنا كنت عبيطة مش فاهمة، جالي وقالي إحنا عايزينك في مسلسل كذا وست كوم كذا، فقلت له ده كتير، فقالي لا لازم تعملي، فرفضت، هو مقليش إنه بياخد فلوس، أنا مركزتش معاه ولا فاهمة، هو مطلبش فلوس منى، وحقيقي أنا معرفش لو كان طلب منى كان هيبقى رد فعلي إيه، اتقالي بعدها إنتي مفتحتيش عينيكي أو ودانك معاه».

وأكملت «أحمد»: «بسبب رفضي لـ(ست كوم) ده، قعدت في البيت 5 سنين، بسبب مسئولة ماسبيرو علمتني الأدب»، رافضة الإفصاح عن اسمها هذه المسئولة.