نجوم و فنون
هل تعود بسمة بوسيل لـ تامر حسني؟
حلت الفنانة المغربية «بسمة بوسيل»، ضيفة ببرنامج «ع المسرح»، مع الإعلامية منى عبد الوهاب، والمُذاع على «الحياة» وكشفت في حوارها قائلة: «لما جيت مصر تقريبا كل أحلامي اتحققت، لقيت حب حياتي وفي نفس الوقت كنت بعمل ألبوم مع محسن جابر بس حسيت ساعتها إن حبي لتامر حسني كان أكبر من الغناء».
هل تعود بسمة بوسيل لتامر حسني؟
ووجهت مني عبد الوهاب سؤالا لبسمة بوسيل:«كلميني عن حلم الرجوع وقوليلي ممكن ترجعي لتامر»، لترد عليها: «قريب إن شاء الله».
وأكملت «بوسيل» حديثها عن بدايتها الفنية: «وافقت إن ألبومي مينزلش لإني لما أعلن زواجنا أنا وتامر حسني كان هناك حملات غريبة على الإنترنت وقتها تامر كان من باب الحماية وإن محدش يتكلم عني بطريقة مش كويسة نعطل خروج الألبوم، وأنا كمان كنت خايفة من نزول الألبوم».
بينما كشفت بسمة بوسيل في حوارها، عن دفاع تامر حسني عنها، قائلة: «زواجي من تامر حسني كان مفاجئا، ومتابعو تامر وعشاقه البعض منهم شن حملات غريبة على الإنترنت».
تصريحات بسمة بوسيل
وأشارت بسمة بوسيل، إلى أنها ضد الحركة النسوية، معقبة: «الذكاء مش إنك تبقي فيمنست»، وردت على غضب المؤسسات النسوية من تصريحاتها الداعمة للفنان «سعد المجرد»، وإلغائهم جائزة كانت ستهدى لها وتكريم: «أحسن، وكنت مبسوطة بإلغائها لأني مكنتش عايزة أروح وأنا لست مع الحركة النسوية».
وكشفت: «ربنا خلقنا مختلفين رجل وست، عشان نكمل بعض والموضوع بقى ترديد شعارات جوفاء، مثل أنا الست القوية، في حين أن قوة المرأة في عقلها وذكائها، أنا باخد اللي أنا عايزاه بالطريقة اللي أنا عايزاها، وبالتالي أنا ذكية».
«الفيمنست» تفكير خاطىء يفسد الأسر
وتابعت: «الحركة النسوية مرفوضة بالنسبة لي، أنا ضدها وماشية بقلبي ووقفت مع ابن بلدي ومش فارق لي اللي عايز يقول حاجة يقولها، وطالما مفيش حكم قضائي نهائي بالإدانة فأنا مسانداه، ولا أؤمن بـ الفيمنست لأنه تفكير خاطىء بشدة ويفسد الأسر».
وأكدت: «شخصيتي قوية وقيادية للغاية ولا أقبل أي شيء ولا يعجبني العجب، لكني في الوقت نفسه لا أقبل التصادم مع الرجل، مينفعش وإحنا أساسًا بنكمل بعض وده سبب الاختلاف».
آخر أعمال بسمة بوسيل
