التغيرات الاقتصادية اللي بتشهدها مصر علي مدار كام شهر فاتوا خلو الناس تفكر الف مرة قبل ما يدخلوا اي مشروع استثماري او فتح محل او شركة او اي باب رزق، وحاليا كل الناس بتدور علي مصدر امان يحطوا فيه فلوسهم ولا قلق ولا وجع دماغ… وبقت شهادات الإدخار هو اسلم حل في الوقت الحالي.. يا تري اية احسن شهادة ممكن تشتريها في الوقت الحالي مكاسبها كام.
الفترة الاخيرة وخصوصا قبل قرارات الحكمة بالتعامل وحل ازمة مصر من نقص العملات وخصوصا الدولار شهدت حالة من التخوف عن المستثمرين من النزول لمصر واستثمار فلوسهم فيها، خصوصا ان مصر كانت واحدة من البلاد اللي فيها سعرين للدولار، لكن بعد قرار الحكومة بتوقيع صفقة الاستثمار السياحي في راس الحكمة والسيولة الدولارية اللي دخلت خرينة البنك المركزي، واللي كانت شهادة وفاة لوجود السوق السودا في مصر للابد. وعلشان نكون عارفين ان خطوة القضاء علي السوق السودا في التجارة بالعملات منتهتش علي توفير السيولة الدولارية في البنوك بس، لا ده تبعها قرارات تانية من البنك المركزي بتحرير سعر صرف الجنية بشكل كامل قدام الدولار الأمريكي، وبعدها في عدد من البنوك طرحت كم كبير من شهادات الادخار وحاليا الموطن اللي معاه فلوس وعايز يشتري بيهم شهادة ادخار مش عارف يشتري انهي شهادة فيهم يا تري شهادات البنك الاهلي ولا بنك مصر ولا البنك التجاري الدولي، ومين اكثر بنك بيدي فايدة علي الشهادات. انا دلوقتي هقولك علي اكثر حل هيريحك تماما وتكون ضامن معاه فلوسك، وتحقيق ارباح بشكل يومي هيوصل لـ630 جنيه. البنك الأهلي وبنك مصر واللي هما اكبر بنكين عندنا هنا في مصر اعلنوا عن طرح شهادة مدة العام بـ3 عوائد مختلفة و3 دوريات صرف متنوعة، الأولى اسمها البلاتينية والثانية اسمها طلعت حرب.
البنك الأهلي وبنك مصر اعلنوا عن تفاصيل الشهادتين الجدد واللي بيوصل العائد بتاعهم 27% بيصرف نهاية المدة، و23.5% سنويًا بيصرف شهريًا، و23% سنويًا لكن يصرف بشكل يومي ودي البنوك اضافتها للشهادتين من اسابيع القليلة قليلة .
طيب انا لو معايا فلوس وعايز اشتري واحدة من الشهادتين هقدم عليها ازاي واحسب الربح بتاعتي كيف؟. الشهادتين الجداد من البنك الأهلي وبنك مصر في الوقت الحالي بيقدم عائد يومي هيوصل لــ630 جنيه، طبعا انت دلوقتي هتقولي ازاي الكلام ده، هقولك يا سيدي انت لو معاك مليون جنية واشتريت واحدة من الشهادتين دول هتحصل علي عائد يومي 630 جنيهًا، في حالة لو انت اختيارت شراء شهادة الـ23% بتاع العائد اليومي، و270 ألف جنيه في حال لو اختيارت شهادة الـ27% في نهاية المدة، و 19583 جنيها شهريًا في حال شريت شهادة الـ23.5% شهريًا.
البنك الأهلي وبنك مصر اعلنوا للمواطنين تفاصيل شراء الشهادتين الجداد، ويمكن لاي حد من المواطنين ان يشتروهم والحد الأدنى للشراء ألف جنيه ومضاعفاته، ويمكن للمواطنين الاقتراض بضمان الشهادة، وكمان المواطن هيحصل علي بطاقات ائتمان بأنواعها بضمان الشهادة، ويمكن استرداد الشهادة قبل مرور 6 أشهر من اليوم التالي لتاريخ الشراء، وبيكون العائد ثابتا طوال مدة الشهادة وبيكون احتساب العائد من يوم العمل التالي ليوم الشراء.
