علق الكابتن أحمد حسام «ميدو» على رفضه عرض تدريب المنتخب قائلًا: «أنا مش مادي ومش بتعلق بالأشياء، وبصرف فلوسي على انبساطي وعلى عيلتي وعلى شغلي».

وأوضح ميدو، خلال لقائه ببرنامج «أسرار»، تقديم الإعلامية أميرة بدر، المذاع على قناة «النهار»: «رفضت المنصب في المنتخب عشان كنت ماضي عقد مع بيراميدز مع تركي آل الشيخ، وجالي عرض مع المنتخب الأوليمبي، كان سيف زاهر وهاني أبوريدة، وقلتلهم هديكوا 50% من مرتب بيراميدز، كنت باخد 70 ألف دولار، والمنتخب عرض 180 ألف جنيه وكله عشان الوطنية يعني هتأكلوا عيالي وطنية، ودي كانت سياسة المنتخب الأوليمبي».

وعن أزمة محمد صلاح الأخيرة في المنتخب علق قائلًا: «صلاح مينفعش يبقى كابتن، وأنا بيتدفعلي فلوس عشان أقول رأيي زيك كده، القناة بتديلك فلوس عشان تقولي رأيك، صلاح مش كابتن مينفعش يكون كابتن».

وتابع: «صلاح طريقة تفكيره إنجليزي، ولازم تتعاملوا معاه كده، وصلاح وطني عشان كفاية إنه بييجي المنتخب، وهو بإيده ميجيش، مهما كان هو مين لازم كل اللعيبة تساعده، كان لازم يمضي لأنه على قوة المنتخب».