ليلي علوي: مفتقده «محمدالصغير» قوي ومش مصدقة لحد دلوقتي

ليلى علوي عن محمد الصغير : نعت الفنانة الكبيرة ليلى علوي رحيل المصفف المعروف ” محمد الصغير” قائلة : ” محمد الصغير لم يكن مجرد مصفف شعر فقد اقام صناعة بمدرسة ومؤسسة كبرى في التجميل والتصفيف وحول مهنته لصناعه عالمية وفي الوطن العربي .. أحدث نقلة كبرى في مهنته وعملها قيمة وأهمية أكبر وتابعت في مداخلة هاتفية عبر برنامج ” كلمة أخيرة ” الذي تقدمه الاعلامية لميس الحديدي على شاشة ” ON” قائلة : ” كان بيحب شغله جداً وأمين في مهنته .. دقيق في كل التفاصيل الي عاوزها ” وواصلت : ” الجانب الانساني كان طيب القلب وكريم جداً ..وأنا بعرفه من سنة 1982 من أول القصة الي عملهالي وأخد ت الشهرة الكبيرة وكأن أي فرع يفتحه زيادة كنت لازم أتصور فيه وتبقى أول صورة “. وأردفت : ” كنا ساكنين في شارع واحد بينا وبينهم أربع عمارات .. ممحمد وزوجته وأولادهم كانوا من عيلتي لان عيلتي صغيرة جداً وأمي مش مصرية ولما جه يخطب مها كان عندي في البيت وعمره ماسباني أو اي صاحب ليه في أي موقف مش حلو أو اي موقف فيه فرحة كان دائماً شريك في الفرح والحزن “.وأكملت : عمل خير كتير في حياته وكان حساس جداً وكان ذكي جداً وقوي الارادة إستطاع عبور ظروف صحية كثيرة مرت به بالذات ..متأكدة إنه في مكان أفضل وأن روحه طايرة فوقنا ومبتسم كالعادة وأكيد حاسس دلوقتي إحنا واسرته وكل الناس بتحبه وبتقدره قد إيه ؟ عمره مازعل حد وكلنا واسرته من وقت رحيله حسينا أن ظهرنا إتحني “.ووأردفت : ” أختي كانت كلي وم الفجر تصحى تدعيله وممواقفه كبيرة جداً وكتيرة مش ممكن تتعد ..كفاية غن مافيش مناسبة في حياتي سواء حلوة أو مرة إلا وكان بيشاركني فيها والناس الي كده في حياتي قليلين ..مفتقداه أوي ومش مصدقة لحد دلوقتي “.