كشف الفنان محمد حماقي، عن الكثير من التفاصيل في حياته العملية والشخصية.

وقال في لقائه مع الإعلامي عمرو أديب في بودكاست بيج تايم: «مش هجوز بنتي فاطمة طوال ما أنا عايش، وقلت لهم لما أموت أبقوا جوزوها».

وتابع: «لا يمكن أديها للراجل، أنا أسوأ من الزعيم عادل إمام في عريس من جهة أمنية، وده غلط وأنا عارف إنه غلط».

محمد حماقي يكشف كواليس أغنية واحدة واحدة.. ما علاقة أحمد حلمي؟

وقال في لقائه خلال بودكاست بيج تايم: «يوم تسجيل الأغنية أنا قاعد في الاستديو والمفروض أيمن بهجت قمر بيخلص كتابة الكلمات وأنا مستنيه يبعت لي عشان أدخل أغني»

وأوضح: «فقرالي الكلام في التليفون، فاستغربت لما قريت جملة على مشمي، فاستكملت كلمات الأغنية، وبعدين سألته على كلمة على مشمي وقلت له مش عجباني، قال لي الكلمة اللي مش عجباك دي أكتر كلمة عاجبة أحمد حلمي ومنى زكي لما سمعتهم الكلام».

واستطرد: «سجلت الأغنية وكان معايا أحمد حلمي في الاستديو، وقلت له على مشمي دي غنيتها عشانك، فاستغرب حلمي وقال لي: «إيه على مشمي دي؟»، ففهمت أن أيمن بهجت قمر ضحك عليا لتمرير الجملة».