رفضت الإعلامية مروة صبري، الرأي السائد حول تدمير حسام حبيب لحياة ومستقبل زوجته السابقة النجمة شيرين عبد الوهاب، وأكدت أن العكس هو الصحيح، وأشارت إلى أن شيرين عبد الوهاب دمرت حياتها بنفسها، ولكن من يدفع ثمن كل هذه الأخطاء هو حسام حبيب.
وقالت مروة صبري شقيقة النجمة عبير صبري، خلال حلقة الأمس من برنامج قعدة ستات: العلاقة دي اللي تدمر فيها بنسبة مليون في المية حسام حبيب.. ناس كتير هتقول لي ازاي هو اللي دمرها؟ هو اللي خلاها تبقى كده، هو اللي خلاها مش عارفه هي بتعمل ايه، ولكن في الحقيقة هو ما خلهاش تعمل أي حاجة، هو مريض زيه زيها، بس هو اللي قاعد بيدفع كل الفواتير نتيجة لمرضه، وهو عايز يقف جنبها نتيجة لان هو يحبها، ولأن هي مش سايباه في حاله.
مروة صبري: شيرين تضر نفسها بنفسها
وأضافت مروة صبري: صدقوني الاتنين مرضى ببعض.. وحسام حبيب لازم يبعد عن شيرين.. ومش يبعد عن شيرين عشان هو بيضرها.. اللي بيضر شيرين هي شيرين، خليها في الطريق اللي هي ماشية فيه براحتها.. عايزة تكمل فيه تكمل انت امشي عشان نفسك، لو لك مستقبل مكمل لو عندك أزمة تقدر تعالجها تروح لدكتور تتعالج.. روح وخلص نفسك من السم اللي اسمه شيرين عبدالوهاب.
حسام حبيب ينفى صحة كل الاتهام الموجهة إليه
نفى حسام حبيب، جميع الاتهامات التي وجهتها إليه شيرين عبد الوهاب، وقال في تصريحاته لبرنامج «ET بالعربي»: «القضية حاليا في النيابة وأحترم دور القضاء ولا أستطيع أن أتعدى على القضاء، ربنا كبير وهيبين كل حاجة إن شاء الله، والواقعة كان يوجد فيها بنتها، وكان يوجد كثير من الشهود، وتقريبًا اللي كانوا موجودين أقرب لشيرين لكن سوف يقولون الحقيقة بأكملها، ولكن يوجد شخص قال إن أنا سرقت.
وقال حسام حبيب، عند سؤاله عن واقعة التعدي بالضرب على شيرين عبد الوهاب: أقسم بالله العظيم أنا ما لمستها، شيرين عبد الوهاب بتهددني طول الوقت وبتقولي مش هخليك تعرف تمشي في الشارع، ومن أسبوع قلبها كان واجعها وبتقولي كل ما حد بيشتم فيك بحس أن أنا السبب ومش عارفة أعمل أيه عشان أكفر عن الذنب ده، وشخصيا أنا اتحملت كتير، وقسما بالله العظيم أنا عمري ما أخدت منها فلوس.
