صابرين للميس الحديدي : “كورونا” مالوش كتالوج وإتخضيت علي يسرا

طول الوقت كنت شاكة أني ممكن أتصاب  

مكنتش خايفة من الأعراض أكتر من جلطات القلب والرئة

 جوزي وعيلته تعبوا أوي وأنا كنت أخف بسبب الفيتامنيات 

المنتجين  دلوقتي بيدوروا على إتصابوا وخفوا عشان أجسامهم المضادة

 لازم نبص شوية بالرحمة لمريض كورونا لان العامل النفسي مهم

  روت  الفنانة صابرين  كواليس إصابتها بفيروس ” كورونا  ”  قائلة : ” فجاة تحول البيت لمستشفى والدنيا كلها بتبقى في أزمة كبيرة رغم أني طول الوقت  بتبع  الاجراءات الاحترازية  لكن في نفس الوقت  كان عندي ” شك ” إنها مش هتيجي  ليا  وده عدم وعي وعدم إدارك   كفاية “.

وتابعت خلال مداخلة عبر تطبيق ” زووم ” مع الإعلامية لميس الحديدي، مقدمة برنامج “كلمة أخيرة”، الذي يعرض عبر شاشة “ON”  قائلة : ”  أنا مش عارفة ليه كل الناس بتستبعد إصابتها بكورونا  لازم كل الناس تعمل إجراءات أكتر لتجنب الاصابة “.

وكشفت أن الفيروس لم يصبها فقط بل  جميع أفراد عائلتها  قائلة : ” كل عيلتي إتصابت وعيلة جوزي طارق  مافيش بيت  مكنش فيه حاله إصابة وساعتها اليقين قطع الشك في إحتمالية الاصابة ؛ونصيحة مني لكل الناس من تجربتي الخاصة اي دور برد إعتبروه ” كورونا ” .

وتابعت : ” مكنتش عندي أية أعراض كنا متجمعين وأمي وجوزي وأولادي وأخويا وحرمه على مائدة العشاء فجأة  مرات أخويا قالت  مش بشم  وانا ساعتها إتخضيت ؟ وجبنا بصل نشممهولها وأكلته وحست أنو تفاح  ؛وأنا ساعتها قمت وإتخضيت وأول حد فكرت فيه ماما  وجوزي ؛ وطارق بيعاني من جيوب أنفية وحساسية سنوية في الصدر وكان طول الوقت بيتعامل مع المرض وكأنه النوبة الموسمية للجيوب الانفية “.

 وتابعت : ”  لما روحنا لقيت أخويا بيقلي أنا كمان فقدت حاسة الشم والصراحة وقتها أنا وطارق جوزي عملنا تحاليل فوراً  لان كل خوفي من كورونا مش من أعراضها  من درجة حرارة وتكسير وغيره كل خوفي منها كان بسبب تجلطات الدم المحتملة وفيه شباب كتير توفاهم   الله دون أعراض  بسبب تجلطات القلب والرئة “.

وقالت أن أعراض  الفيروس لا تخضع لكتالوج ثابت فكل جسم وحسب إستقباله قائلة : ” أنا  جوزي  ظهرت عليه الاعراض وإختفت ثلاث مرات “.

واكملت : ” من وقت التصوير في بداية الجائحة كنت باخد  فيتامنيات   سي وزينك ودال  وكنت بعد في الشمس وباخد  دواء  إسمه ” بروفيتون ”   الذي يشتق من سرسوب اللبن  وده ساعدني في ظهور أعراض  بسيطة عليا   والحمد لله  صدري ماتلطش  مقارنة بجوزي  واخته ونور  تعبوا أوي  وطارق جوزي أكتر حد زقته “.

وحول  إصابة الفنانة يسرا  قالت : ” أتخضيت عليها أوي وأنا بتابع معاها من أول يوم “.

 وحول تصوير  الاعمال الدرامية   موسم 2021 الرمضاني  قالت في رسالتها للفنانين والمنتجين : ” أنا واحدة من الناس  كنت بصور ليالينا 80  رمضان الماضي في عز كورونا وكان فيه إختلاط  … المنتجين دلوقتي  بيهزروا معانا ويقلولنا هندور على الي جالهم كورونا وكونوا أجسام مضادة  مناعية عشان نضمن ماحدش يتصاب  “.

وفي رسالتها للجماهير  قالت : ” لازم نبص برحمة لمصاب  كورونا  لانه يعتمد على عامل نفسي بنسبة 100%  لازم نساعد المريض بكل الاجراءات والتباعد دون أن نجرحه  والصراحة أنا جيراني وقفوا جمبي   جامد “.