اشمعنى الأهلي
شن سيد عبدالحفيظ نجم الأهلي ومنتخب مصر السابق ومدير الكرة السابق في القلعة الحمراء، هجوما عنيفا على الاتحاد الأفريقي لكرة القدم «كاف»، بسبب ما حدث خلال نهائي دوري السوبر الأفريقي بين صن داونز بطل جنوب أفريقيا والوداد المغربي.
وقال سيد عبدالحفيظ، في تصريحات عبر شاشة أبوظبي الرياضية: «كل الاحترام لفريق صن داونز بس البطولة دي كانت من الأول معروف موجهة لمين».
وتابع سيد عبدالحفيظ: «صن داونز فريق محترم وبيلعب كورة وعنده لاعيبة مميزة وهو والأهلي كانوا مرشحين للبطولة من قبل الجماهير، بس في ناس مكانتش عايزه الأهلي يبقى بطل البطولة دي».
وأضاف سيد عبدالحفيظ منتقدا الصورة السلبية في نهاية المباراة عقب صافرة النهاية: «سؤال للاتحاد الأفريقي لكرة القدم.. مين كل الناس اللي نزلت الملعب تحتفل مع صن داونز دي؟
واختتم مستنكرًا: «أومال مع الأهلي بتتشرطوا يبقوا 25 واحد بس ليه في الملعب.. ده النهارده شوفنا بتاع الشاي والقهوة وأوضة اللبس كله تحت، اشمعني الأهلي يعني..!؟».