عمرو مصطفى يثير الجدل: الشباب يكتبون تاريخ جديد

آثار الملحن عمرو مصطفى حالة من الجدل، برسالته الغامضة التي أوضح فيها أن هناك بعض النجوم خفتت نجوميتهم بعد أن ابتعد عنهم صناع أغانيهم، كما أكد أن هناك مجموعة جديدة من الشباب يكتبون التاريخ من جديد بمواهبهم الكبرى.

رسالة غامضة من عمرو مصطفى

وكتب عمرو مصطفى عبر حسابه الشخصي «فيسبوك»: «في ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم بريقه سابهم، طلعوا ورق مطلي، والمكان اللي كانوا معتمدين عليه سابهم، النهاردة الأرقام ما بتكدبش، والحفلات ما بقتش زي زمان، واللي بيحاولوا يخلقوا رأي عام ضدي من ورا الكواليس، ده كله ما بيهزش شعره مني».

وأضاف: «الشباب اللي جاي بقوة، وأنتم مش عارفين تقفوا قدامهم، الجمهور بيعرف مين اللي يستاهل، ومين اللي خلاص بقى من الماضي، التاريخ بيتكتب من جديد، واللي كان شايف نفسه كنز، طلع مجرد مغارة فاضية».

حقيقة تسجيل عمرو مصطفى للقرآن

يذكر أن عمرو مصطفى كان قد أعلن عن تسجيله القرآن الكريم بصوته، كما أكد أنه سيقدم جميع الأغاني التي لحنها بصوته، وستُحذف النسخة المسجلة بأصوات المغنيين بعد انتهاء فترة حقوقها.

وكتب عمرو مصطفى، عبر حسابه الرسمي بموقع «فيسبوك»: «الأغاني اللي عملتها هترجع تاني بصوتي بعد انتهاء مدة حقوقها، فيه أغاني عملتها من سنة 1999، يعني فاضل حوالي عشرين سنة وترجع الحقوق تاني ليا، ووصيتي لأولادي عدم التجديد لأي شخص.. هنبتدي ننزلها من دلوقتي بصوتي، لكن بالكلام متغير وتوزيع جديد تمامًا».

وأضاف: «الأغاني دي هتفضل موجودة بصوتي طول العمر، وأي نسخة بصوت أي مطرب غناها قبل كده هتتمسح تمامًا بعد انتهاء المدة القانونية لها، حنفتح المجال للشباب الجديد إنهم يكتبوا على الألحان دي كلمات جديدة، خلال الخمس أو ست سنين الجايين ده لو في العمر بقية بأذن الله، هكون محضر كل الأغاني اللي عملتها بصوتي مع كتابات شبابية جديدة، ونصيحة للمبدعين أي تصريح لايزيد عن خمس سنوات».